Газа секторына 170 көлікпен көмек жеткізілді
27.05.2025
Газа секторына 1 күнде 170 жүк көлігі гуманитарлық көмек жеткізді.
Олар азық-түлік, дәрі-дәрмек және басқа медициналық қажет заттар апарған. "Керем-Шалом" тексеріп-өткізу бекеті арқылы жеткізу ісіне Біріккен Ұлттар Ұйымының қызметкерлері бас-көз болған. Халықаралық қауымдастық өкілдері 170 көлік көмек әлі жеткіліксіз дейді. Палестиналықтардың мұқтаждығын белгілі бір деңгейде өтеу үшін күніне кемінде 600 жүк көлігі өтуі керек. Израиль әскері анклавқа көмек жеткізу ісіне 2 наурыздан бастап шектеу қойған еді.
