Шерхан Мұртаза атындағы Халықаралық Тараз университетінің базасында 9-11 сынып оқушылары арасында « Шерхан Мұртаза оқулары» ғылыми шығармашылық байқауы өтті, деп хабарлайды Egemen.kz.

Республикалық байқауға еліміздің әр қиырынан 50 үміткер қатысып, үш аталым бойынша бақ сынады. Олар үш кезеңді қамтыған әдеби сұрақтарға жауап беріп, өз өлеңдерін оқыды. Сондай-ақ зерттеу жұмыстарын қазылар назарына ұсынды.

Республикалық байқаудың нәтижесі бойынша ҚР Оқу-ағарту министрлігінің «Дарын» республикалық ғылыми-практикалық орталығының І дәрежелі дипломын-3 оқушы, ІІ дәрежелі дипломын — 6 оқушы, ІІІ дәрежелі дипломын — 10 оқушы иеленіп,бағалы сыйлықтармен марапатталды. Сонымен қатар, жүлдегерлер мен қатысушыларға Шерхан Мұртазаның көркем әдеби кітаптары табысталды.

Шығармашылық додада Шерхан Мұртаза атындағы Халықаралық Тараз университеті ректорының грантын алматылық оқушы Ғұмырзақ Бекасыл иеленді.

Жамбыл облысы