Ер адам қамауға алынды.

Ішкі істер министрі Ержан Сәденов Абай облысында балаларды қағып кеткен жүргізушіге қатысты пікір білдірді, деп хабарлайды inbusiness.kz сайты.

Министр күдіктіге қатысты желіде таралған ақпарат іс аясында қаралатынын айтты.

"Қылмыстық іс шеңберінде бәрін нақты тексереміз. Жүргізуші куәлігі 2006-шы жылдары алынған болса, оның мерзімі болады ғой. Куәлікті берген кісіні анықтаймыз. Құжатты қайтадан алу кезінде медициналық карта және тағы да басқаны тапсырады. Соның бәрін анықтаймыз", — деді Ержан Сәденов Мәжіліс кулуарында.

Айта кету керек, бұған дейін Үржарда 55 жастағы жүргізуші ойнап жүрген 6 баланы қағып, 3 бала қаза тапқанын жазған едік. Оқиға 19 тамыз күні болған.