Түркістан облысының Жетісай ауданындағы жанар-жағармай автогаз құю бекетінде болған өртке қатысты сот үкімі шықты, деп хабарлайды El.kz ақпарат агенттігі.

Оқиға салдарынан өрт қауіпсіздігі талаптарының сақталмауы екі адамның қаза болуына әкеліп соқты. Тергеу барысында мемлекеттік айыптаушы сотталушылардың кінәсін дәлелдеп, олардың әрекеттерінің салдарынан екі адамның абайсызда қайтыс болғанын көрсетті.

2025 жылдың 29 сәуірінде сот «JOL YRYSY» ЖШС-нің жүргізушісі мен басқарушы директорына әрқайсысына 5 жыл мерзімге бас бостандығынан айыру жазасын тағайындады. Бұл шешім екі азаматтың өмірін қиған оқиғаны ескере отырып қабылданды. Сонымен қатар, келтірілген моральдық және материалдық залал ішінара өтелгені белгілі болды.

Айта кету керек, сот үкімі әлі заңды күшіне енген жоқ.