Испанияда орын алған жойқын орман өрттеріне адамдардың әдейі қатысы болуы мүмкін деген болжам жасалды. Бірқатар өрт оқиғалары қасақана ұйымдастырылғаны белгілі болды. Тамыз айында полиция 48 адамды өрт қоюға күдікті ретінде қамауға алып, тағы 134 іске байланысты тергеу жүргізіп жатыр, деп хабарлайды Egemen.kz.

Соңғы апталарда орман өртінен ондаған мың гектар жасыл желек жойылған. Өрт Кастилия мен Леон аумағын ғана емес, сонымен бірге экологиялық маңызы жоғары Пикос-де-Эуропа ұлттық паркін, Леон провинциясындағы биосфералық қорықтарды, сондай-ақ Галисия мен Эстремадура аймақтарын шарпыған.

Корольдік сарай мәліметінше, бейсенбі және жұма күндері Испания монархтары Галисия мен Эстремадурадағы өрттен ең қатты зардап шеккен қалаларға да бармақ. Алайда нақты бағыт әлі нақтыланбаған.

Сарапшылардың айтуынша, күдіктілердің көбі жергілікті жерді жақсы білетін тұрғындар мен фермерлер. Олардың кейбірі қасақана әрекеттерді түнде жүзеге асырады. Дегенмен, ұйымдасқан қылмыстық топтар жоқ, бұл көбінесе жеке адамдардың іс-әрекеті болып отыр. Күдіктілердің өртке бару себептері әзірге белгісіз.

Ал Испания үкіметінің өкілдері өрттердің басты себебі ретінде жаһандық климаттың өзгерісін, аптап ыстық толқындарын, құрғақшылық пен қатты желдерді атап өтті.