Алматылық «Қайрат» өз алаңында жеңіске жетіп, топтық кезеңге жолдама алуы мүмкін. Спорт комментаторы Ерсін Еріктің болжамынша, «Селтикпен» болатын қарымта матчта 2:1 есебі тіркелуі мүмкін, — дейді. Оған шотландиялықтардың Алматыға бейімделуі де әсер етуі мүмкін деген пайымда. Сондай-ақ қазақстандық команданың жеңіске жетуіне жанкүйерлердің қолдауының ықпалы зор болады, — дейді. Дегенмен Шотландияның «Селтик» командасы үйде өткен ойындағы тең нәтижеден соң бұл жолы басқа тактикамен ойнайды. Жеңіске жету үшін әбден дайындалған болуы керек деп отыр. «Қайрат» та осалдық танытпайды. Әрине кейбір ойыншылардың кездесуден тыс қалғаны аз-кем әсерін тигізуі мүмкін. Әйткенмен олардың орнына шығатын аяқ доп шеберлері аянып қалмасы анық деген пайымда. Жалпы «Қайраттың» көздеген нәтижеге жетуіне мүмкіндік бар. Егер плей-оффта жеңіп, топтық кезеңге шықса, қазақ футболының дамуына ерекше серпін береді, — деді сала сарапшысы.

Ерсін Ерік, спорт комментаторы:

Шотландиядан Алматыға дейінгі жүрген жол бар және олардың ауа райына, алаңға үйренуі бар. Оның барлығы аз уақыт. Сондықтан да бұл матчқа «Селтик» қаншалықты дайындықпен келсе де қаншалықты ойын көрсетеді, сол да қызық болып тұр. «Қайрат» енді өз алаңында тең нәтижеге дейін жетіп, әрі қарай пенальти сериясына дейін жалғасса. Пенальтиде біз «Қайраттың» қалай ойнайтынын көрдік. Сондықтан да менің ойымша енді, дәл осы «Селтикке» қарсы қарымта ойында минималды есеппен жеңіске жетуге мүмкіндігі бар.

Дәл қазір Алматыдағы Орталық стадионда матчқа қызу дайындық жүріп жатыр. Алдын ала болжам бойынша «Қайрат» пен «Селтик» арасындағы ойынды стадионға барып 23 мыңдай адам тамашалай алады. Ал басқа қаладағы жанкүйерлер мен билет сатып алуға үлгермегендер тарихи ойынды 21:45-те «Қазспорт» телернасынан тікелей эфирде көре аласыздар.

Асылбек Данияр