Үндістан Ресейдің шикі мұнайын сатып алып отыр.

Үндістанның мұнай өңдеу зауыттары Ресейден шикі мұнай сатып алу көлемін қысқартуды жоспарлап отыр. Бұл туралы Bloomberg агенттігі жазды, деп хабарлайды inbusiness.kz сайты.

Reliance Industries сияқты жекеменшік және мемлекеттік мұнай өңдеу компаниялары қазан айынан бастап Ресейден алатын мұнай көлемін тәулігіне 1,8 млн баррельден 1,4-1,6 млн баррельге дейін төмендетпек. Бұл туралы Bloomberg-ке бірнеше дереккөз мәлімдеген.

Үндістан тарапының мұндай шешіміне АҚШ енгізетін жаңа кедендік тариф себеп болып отыр. Бұл баж салығы 27 тамыздан бастап күшіне енеді. Үнді билігі АҚШ-пен жаңа сауда келісіміне қол қоймаса, жалпы тариф мөлшері 50%-ға артуы мүмкін. Бұл бұған дейін енгізілген сауда шектеулерін қоса алғандағы көрсеткіш.

Премьер-министр Нарендра Моди Ресей мұнайынан толықтай бас тарту идеясын бірнеше рет жоққа шығарған. Сарапшылардың айтуынша, Үндістан экспортқа шығарылатын ресейлік мұнай көлемінің 37%-ын сатып алады.