Алматы қаласында су құбыры желілерін және су нысандарын қайта құру жұмыстары жүріп жатыр. Осыған байланысты 27 тамыз бен 29 тамызда Алматының кей аудандарында суық су уақытша тоқтатылады, деп хабарлайды KAZ.NUR.KZ "Алматы Су" мекемесінің Instagram желісіндегі парақшасына сілтеме жасап.

Жоспарланған жұмыстар аясында "Алматы Су" мамандары технологиялық жабдықтарды ауыстырып, жаңа инженерлік желілерді іске қосып жатыр. Осыған байланысты 27 тамызда сағат 09:00-ден 17:00-ге дейін жаңа су құбырын желіге қосу жұмыстары барысында суық су уақытша берілмейді.

Бостандық ауданындағы Тимирязев көшесі – Сыпатаев көшесі – Әуезов көшесі – Абай даңғылы, "Атакент" ҚІЫО аумағында орналасқан тұрғын үйлер мен әкімшілік ғимараттарда су тоқтайды. Жұмыстар жүргізілген кезеңде Әуезов көшесі бойында су қысымы төмендеуі мүмкін.

Ал 28 тамызда сағат 09:00-ден 20:00-ге дейін жаңа сүзгі станциясын салу аясында технологиялық жұмыстар жүргізіледі. Осы кезеңде уақытша Ақжар шағынауданы (Ақсай сүзгі станциясының ықпал ету аймағы), Тастыбұлақ, Таужолы шағынаудандарында су тоқтатылады.

"Алматы Су" мекемесі келтірілген уақытша қолайсыздықтар үшін қала тұрғындарынан кешірім сұрайды және техникалық жұмыстарды жүргізу қажеттілігіне байланысты енгізілген шектеулерге түсіністікпен қарауды өтінеді.

Қосымша ақпарат алу үшін 274-66-66 телефон нөміріне хабарласуға болады.

Мәтіннен қате тапсаңыз, бізге жазыңыз