Компания ресми мәлімдеме жасады.

SpaceX компаниясына тиесілі Starship ғарыш кемесінің прототипі болып саналатын зымыран тасығыштың оныншы сынақ кезеңі тоқтатылды. Бұған техникалық ақаулар себеп болған, деп хабарлайды inbusiness.kz сайты.

"Starship-тің оныншы сынақ ұшырылымы тоқтатылды, себебі жердегі жүйелік ақауларды түзетуге уақыт керек", – делінген компания таратқан хабарламада.

Starship прототипі 24 тамыз күні Техастағы Starbase ғарыш айлағынан жергілікті уақыт бойынша сағат 18:30-да ұшырылуы тиіс болған. Келесі сынақ кезеңі қашан өтетіні әзір белгісіз.

Starship зымыранының биіктігі 123 метрге тең. Бұл ең үлкен әрі қуатты ғарыш зымыраны болып саналады. Бұған дейін Starship-тің тоғыз сынақтық ұшулары сәтсіздікке ұшыраған. Оның төрт жағдайында зымыран тасығыштар жарылып кеткен.