Қорғаныс министрлігі Қазақстан Республикасы азаматтарын әскери қызметке шақыруды ұйымдастыру және өткізу қағидаларына түзетулер әзірледі, деп хабарлайды Zakon.kz.

Жобада азаматтарды шақыруды ұйымдастыру мен өткізудің тәртібі нақтыланған.

Атап айтқанда, мерзімді әскери қызметке шақырудан кейінге қалдыруды мемлекеттік қызмет арқылы алуға мүмкіндік берілмек.

Сонымен қатар, әскери қызметке шақырылуға жататын қазақстандықтардың ұялы телефонына жолданған SMS хабарлама тиісті түрде ескерту түрі ретінде тану ұсынылады.

Жоба азаматтарды әскери қызметке шақыруды ұйымдастыру мен өткізудің бірыңғай тәсілдерін енгізуге бағытталған.

Құжат "Ашық НҚА" порталында 9 қыркүйекке дейін қоғамдық талқылау үшін орналастырылды.