Түркістан облысында ірі қойма өртенді, өрт 1000 шаршы метр алаңға таралған, деп хабарлайды KAZ.NUR.KZ ТЖМ баспасөз қызметіне сілтеме жасап.

Кеше кешкі 18:54 шамасында 112 құтқару пультіне Түркістан облысы Сайрам ауданы Ақсукент аулында қойманың өртеніп жатқаны туралы хабарлама келіп түскен.

Өрт сөндірушілердің алғашқы бөлімшелері келген кезде өрт өршіп, қабатаралық жабын ішінара құлаған. Өрт сөндірушілер жоғары дәреже бойынша жұмыс істеді.

Оқиға орнында өрт сөндіру штабы құрылды. Өртті сөндіру жұмыстары оттегі мен жылу сәулесінің жоғары болуынан және қатты түтінмен үлкен алаңға өрттің қарқынды таралуымен күрделенді.

"Қызыл жалынды сөндіру үшін бірнеше су оқпаны, соның ішінде автокөлік сатысы берілді. Өртті жоюға ТЖД, әкімдік және полиция департаментінен 55-ке жуық адам мен 19 техникасы жұмылдырылды", — делінген хабарламада.

Өрттің себебі анықталып жатыр.

Мәтіннен қате тапсаңыз, бізге жазыңыз