Алматы қаласының Бостандық ауданындағы учаскеде көлік қозғалысы уақытша шектеледі, деп хабарлайды "Алматы Су" ШЖҚ МКК-ға сілтеме жасаған KAZ.NUR.KZ.

Мекеменің мәліметінше, құбырларды ауыстыруға байланысты жөндеу жұмыстары жүргізіледі.

Осыған орай 24-30 тамыз аралығында Әбіш Кекілбайұлы көшесі бойымен Байқадамов және Есқараев көшелерінің арасындағы учаскеде көлік қозғалысы уақытша шектеледі.

"Бұл шектеулер жол қозғалысы қауіпсіздігін қамтамасыз ету және жұмыстарды сапалы атқару мақсатында енгізіліп отыр.Маршруттарыңызды алдын ала жоспарлап, уақытша қолайсыздықты ескерулеріңізді сұраймыз", — делінген хабарламада.

Мәтіннен қате тапсаңыз, бізге жазыңыз