ТЖМ мәліметінше, 22 тамыз күні Шымкент қаласының 6 тұрғыны (3-еуі ер, 3-еуі әйел) Бәйдібек ауданындағы "Үлкен Тұра" шыңына шыққаннан кейін белгіленген уақытта оралмаған. Байланыс та үзілген, деп жазады inbusiness.kz сайты.

Құтқарушылар "Сырдария-Түркістан" өңірлік табиғи паркі аумағына аттанып, шамамен 5 шақырым таулы аймақты, соның ішінде 1 шақырым өзен бойын жаяу жүріп өтті.

Топ түнде табылды. Әйелдердің бірінің аяғы сынғаны анықталды, сондықтан қалғандары оны өздігінен тасымалдай алмаған.

ТЖМ азаматтарға тауға шыққанда мұқият дайындалып, байланыс құралдарынсыз жолға шықпау қажеттігін ескертеді.