Анна Данилина сербиялық Александра Круничпен бірге АҚШ-тағы Кливлендте өткен WTA 250 сериялы турнирдің финалына жолдама алды, деп хабарлайды Zakon.kz.

Жартылай финалда Данилина мен Крунич чехиялық Анастасия Децюк пен Мириам Шкох жұбын 6:2, 6:4 есебімен сенімді түрде жеңді.

Ойын 1 сағат 19 минутқа созылды.

Титул үшін қазақстандық-сербиялық дуэт Қытай Тайбэйінің Чжань Хаоцин және Қытайдың Синью Янь жұбымен кездеседі.

Еске салайық, биыл Анна жұптық разрядта Истборн турнирінде (Мария Боузковамен бірге) жеңіске жетті, сондай-ақ Мерида, Лондон және Ноттингем турнирлерінде финалист атанды. Бұған қоса, Александра Круничпен бірге Франция ашық чемпионатының финалына дейін жеткен еді.