Экология және табиғи ресурстар министрлігінің мәліметінше, соңғы бес жылда еліміздегі үш мемлекеттік зообақтың жануарлар коллекциясы айтарлықтай кеңейген.

Жаңа қоныстанушылардың қатарында Африка мен Азиядан әкелінген жыртқыштар мен приматтар бар, деп жазады inbusiness.kz сайты.

Жыртқыш аңдар:
– африкалық арыстан – 3,
– амур жолбарысы – 13,
– пума – 3,
– ягуар – 1,
– қарақал – 3,
– сервал – 2.

Солтүстік аңдар:
– ақ қасқыр – 2,
– ақ аю – 1.

Приматтар:
– аққолды гиббон – 2,
– жапон макакасы – 8,
– мысық тәрізді лемур – 2.

Құстар:
– жапондық және тәжді тырналар – 4,
– түрлі тотықұстар мен өзге де құстар.

Министрлік бұл жануарлардың көпшілігі ТМД елдерінен жеткізілгенін айтады. Жануарлар коллекциясын толықтыру зообақтар арасында аң алмасу арқылы жүргізіледі. Бұл әдіс генетикалық әртүрлілікті сақтап, туыстық жолмен шағылысуды болдырмауға көмектеседі.

Қазіргі уақытта Қазақстанда үш мемлекеттік зообақ жұмыс істейді:

• Алматы зообағында – 350 түрге жататын 3 840 жануар,

• Қарағандыда – 97 түр және 368 жануар,

• Шымкентте – 288 түрге жататын 3 559 жануар мекендейді.

Олардың қатарында Қазақстан табиғатына тән емес экзотикалық аңдар да бар.