Қостанай қаласының прокуроры болып Ермек Шуақпаев тағайындалды, деп хабарлайды қалалық прокуратураға сілтеме жасаған KAZ.NUR.KZ.

"2025 жылғы 18 тамызында Қазақстанның Бас прокурорының бұйрығымен Қостанай қаласының прокуроры қызметіне әділеттің аға кеңесшісі Шуақпаев Ермек Булатұлы тағайындалды", — делінген хабарламада.

Ведомствоның ресми сайтындағы мәлімет бойынша, Ермек Шуақпаев 1980 жылы Қостанай облысында дүниеге келген. А.Байтұрсынов атындағы Қостанай мемлекеттік университетін бітірген.

Еңбек жолын 2002 жылы Алтынсарин ауданы прокуратурасының көмекшісі болып бастаған.

Әр жылдары прокуратура органдарында түрлі қызметтер атқарған, соның ішінде облыс прокурорының аға көмекшісі – Кадр жұмысы тобының жетекшісі (2010-2013 жылдары), Жітіқара ауданының прокуроры (2013-2018 жылдары), Лисаков қаласының прокуроры (2018-2024 жылдары) болған.

Осы тағайындауға дейін Қарасу ауданының прокуратурасын басқарған.

Құқық қорғау органдарындағы жалпы еңбек өтілі – 23 жыл.

Мәтіннен қате тапсаңыз, бізге жазыңыз