Израиль әскері Газа қаласын басып алуға кірісті. Бұл туралы армия өкілі, бригадалық генерал Эффи Дефрин хабарлады.

Сәрсенбі күні армия резервінде тұрған ондаған мың адамға шақырту жіберілді. Бірақ олар қыркүйекке дейін қызметке кіріспейді. Сол күні Хан-Юнис маңында атыс болып, оннан астам ХАМАС өкілі Израиль әскеріне шабуыл жасаған еді. Израиль тарапынан үш сарбаз жараланды. Ал ХАМАС-тың бір жауынгері өзін-өзі жарып жіберген. Қазір әскерилер тұрғындарды қауіпсіз аймақтарға көшіруге, сондай-ақ гуманитарлық және медициналық көмекті ұйымдастыруға күш салып жатыр.