Ақмола облысында найзағайдың соғуынан бала көз жұмды, тағы бір жасөспірім зардап шекті, деп хабарлайды Egemen.kz облыстық полиция басқармасына сілтеме жасап.

Оқиға 20 тамыз күні Біржан сал ауданының Үлгі ауылында болған.

«Біржан сал ауданы полиция бөлімінің қызметкерлері 2015 жылы туған баланың қаза табуы және 2010 жылы туған екінші баланың жарақат алуы дерегі бойынша сотқа дейінгі тергеу бастады», – делінген ведомство хабарламасында.

Оқиға орнына жедел түрде құтқару қызметтері жетті. Қазіргі уақытта полиция толық ақпарат жинап, жағдайдың мән-жайын анықтап жатыр.