Тараз қаласының прокуратурасы жүргізген тексеріс барысында «Т» ЖШС қызметінде заңбұзушылықтар анықталды.

Атап айтқанда, көппәтерлі тұрғын үйдің ортақ мүлкін күрделі жөндеуге жасалған төртжақты келісімшартта тұрғындардың қолтаңбалары қолдан жасалғаны белгілі болды. Бұл туралы inbusiness.kz хабарлайды.

Қолданыстағы заңнамаға сәйкес, мердігер ұйымды таңдау құқығы үй кеңесіне тиесілі. Алайда бұл жағдайда тұрғындарға таңдау мүмкіндігі берілмей, келісімшарттағы қолтаңбалар жалған қойылған.

2 шілде күні прокуратураның нұсқауымен бұл дерек ҚР Қылмыстық кодексінің 385-бабы 1-бөлігі бойынша Тараз қаласы полиция басқармасының сотқа дейінгі тергеп-тексеру бірыңғай тізіліміне тіркелді.

Сонымен қатар тексеріс нәтижесінде 2025 жылғы 3 мамырда тұрғын үй-коммуналдық шаруашылығын жаңғыртуға бөлінген 59 млн теңге бюджет қаржысын негізсіз жұмсау дерегі анықталды. Бұл факт бойынша ҚК-нің 189-бабы 4-бөлігімен қылмыстық іс қозғалды.

ҚПК-нің 201-бабына сәйкес, өзге мәліметтер жария етуге жатпайды.