Келер жылдан бастап пәтерін жалға берушілер жеке кәсіпкер ретінде тіркеліп, табысының 4 пайызын, әлеуметтік төлем ретінде, яғни зейнетақы, әлеуметтік және медициналық сақтандыру қорына аударуы тиіс. 2026 жылы қолданысқа енетін жаңа Салық кодексіндегі өзгерістің бірі осы. Осылайша салық органдары жылжымайтын мүлікті жалға берушілерге тексерісті күшейтпек. Мысалы, пәтерін 100 мың теңгеге жалға бергендер, соның 4 мыңын әлеуметтік төлем ретінде төлеуге міндетті. Қаржы саласының өкілдері, енді мұндай табыс көзін жасырып қалу мүмкін емес деп отыр. Себебі жеке тұлғалардың кіріс-шығысы тексеріледі. Ал зейнеткерлер мен мүмкіндігі шектеулі жандар бұл талаптан босатылады.

Гүлнұр Нұрланқызы, салық сарапшысы:

Үш негізгі өзгерісті атап өтсек болады. Біріншісі – бұл қазір бейресми жұмыс істеп отырғандар ешқандай кәсіпкерлікті тіркемей, ақшаны қолма-қол алып, аударыммен алып отырғандар. Олардың барлығы анықталайын деп отыр. Себебі Салық басқармасы тексерісті күшейтейін деп отыр. Екіншіден, олар сату алаңдарынана хабарландыруды бақылағалы жатыр.

Екінші өзгеріс. Бұған дейін пәтерін жалға бере отырып, жеке кәсіпкер ретінде тіркеліп, салық төлеп, патент режимінде жұмыс істегендерге керісінше жеңілдік жасалады. Олар өз-өзін жұмыспен қамтып отырғандар деген категориямен тек әлеуметтік төлемдер төлейді. Ал комммерциялық ғимараттарды жалға беретіндерге оңай соқпайтын секілді. Себебі олар жалпыға бірдей салық режиміне өтуге мәжбүр. Бұл дегеніміз, салық көлемі — 10 пайыз. Онымен қоса, егер табысы 10 мың айлық есептік көрсеткіштен асса, яғни 39 миллионннан асса 16 пайыз қосылған құн салығын төлеуге де тура келеді. Демек келер жылы тұрғын-үйлер де, коммерциялық ғимараттар да шамамен 20-25 пайызға қымбаттауы мүмкін дейді, — қаржы мамандары.

Раушан Сайлауқызы