Қазақстанда жаңа мереке күні белгіленді , деп хабарлайды 24kz.

Биылдан бастап 29 қазан ресми түрде Кәсіпкерлер күні болып аталып өтеді. Айта кетейік, 2015 жылы дәл осы күні «Кәсіпкерлік кодексі» қабылданған болатын. Кәсіби мереке осы маңызды тарихи оқиғаға орай таңдалды. Саланы қолдау – мемлекеттің басым бағыттарының бірі. Бүгінде елде 2 миллионнан астам бизнес өкілі тіркелген. Жыл басынан бері 288 миллиард теңгеге 2 мыңнан астам жоба субсидияланды. Кәсіпкерлерге 12,6%-пен несие беру бағдарламасы да іске қосылды. Қазірдің өзінде осы арқылы 400-ге жуық жоба қаржыландырылды. Сондай-ақ «Бизнестің цифрлық картасы» жұмыс істейді.

Әйгерім Шорова, ҚР ҰЭМ Кәсіпкерлікті дамыту саясаты департаменті директорының орынбасары:

- Кәсіпкерлерді қолдау экономикалық саясаттың басымдығының бірі болып қала береді. 2 мыңнан астам жоба субсидияланып, 61 миллиардқа 737 жобаға кепілдік берілді. Тоғыз мыңға жуық кәсіпкер оқытылды. 2025 жылы ШОБ-ты қолдауға 270 миллиард теңгеден астам қаражат бөлу жоспарлануда.