Шымкентте қала әкімінің орынбасары Руслан Берденовке жасалған қастандыққа қатысты сот процесі жалғасуда . Отырыста шабуыл сәтін бейнекамераға түсіріп алған жаңа жазба көрсетілді, деп хабарлайды Skifnews.kz ақпарат порталы.

Сотта әкімдік ғимаратындағы бейнебақылау камераларының жазбасы жарияланды. Онда күзетшілердің оқиғаға қалай әрекет еткенін көруге болады. Күзетшілердің бірі бірден полицияға хабарласқан.

Бейнежазбадан атылған оқтың дауысы мен “Өлтір!” деген айқай анық естіледі.

Айта кетейік, алғашқы сот тыңдалымында айыпталушы Ернар Жиенбай әкімнің орынбасарын тек қорқытқысы келгенін, алайда біреудің “Өлтіру керек” деген сөзін естігенін мәлімдеген болатын. Бұған дейін де сотта шабуыл сәті түсірілген тағы бір бейнематериал көрсетілген еді.