Ұлттық қауіпсіздік комитеті Шымкент қаласының бас сәулетшісін ұстады, деп хабарлайды Skifnews.kz ақпарат порталы Orda.kz-ке сілтеме жасап.
Шымкент қалалық сәулет және қала құрылысы басқармасының басшысы Арман Әбдешов бөтеннің мүлкін иемденді деген күдікке ілінген.
Белгілі болғандай, Арман Әбдешов басқарма тізгінін ақпан айында ұстап тұрған кезде қала әкімінің орынбасары қызметіне Руслан Берденов тағайындалған. Таңқаларлығы, бас сәулетшінің ұсталған уақыты Руслан Берденовке оқ атқан «Тұрғын үй Шымкент» қалалық компаниясының директоры Ернар Жиембайдың сот процесімен тұспа-тұс келіп отыр.
Кеше сотта құрылыс басқармасының бір қызметкері Берденов бірнеше рет жиналыс өткізіп, «Антикор» тарапынан тексеру болатынын ескерткенін айтты. Алайда бұл екі оқиғаның өзара байланысы бар-жоғы әзірге белгісіз.
