Сот үкімімен басты айыпталушыға 6 жылға бас бостандығынан айыру жазасы кесіліп, мүлкін тәркіленді.

Қызылордада "Даму бала" платформасын тексеру кезінде ақша бопсалаған қызметкерлер сотталды, деп хабарлайды Қаржылық мониторинг агенттігі.

Олар балалар спортын және шығармашылығын қолдауға арналған "Даму бала" платформасы арқылы қызмет көрсететін кәсіпкерлерден 88 млн теңгеден астам қаражатты заңсыз алған.

"Мониторингтік топ құрамында болған қатысушылардың бірі, өзінің қызмет бабын пайдаланып, сыбайласымен бірге кәсіпкерлерге тексеріс нәтижесін "оң шешіп береміз" деген желеумен ақша бопсалаған. Олар 88 млн теңгеден астам қаражатты алған, оның бір бөлігі коттедж және автокөлік сатып алуға жұмсалған", – дейді ведомство.

Соттың санкциясымен бұл мүлікке тыйым салынды.

Оқи отырыңыз: Қызылордада "Жастармен бірге!" атты open air форматындағы жастар кеші өтті

Сот үкімімен басты айыпталушыға 6 жылға бас бостандығынан айыру жазасы кесіліп, мүлкін тәркіленді. Оның сыбайласы 5 жылға шартты түрде бас бостандығынан айырылды.

Үкім заңды күшіне енген жоқ.