
Әлібек есімді жетісулық жігіт көптен көмек сұрады. Оны ұзақ жыл отасқан әйелі алты баласымен бірге тастап кеткен, деп хабарлайды Skifnews.kz ақпарат агенттігі.
Талдықорған қаласы маңындағы Бесқайнар ауылының тұрғыны 6 перзентіне киім, сөмке, қажетті құралдарды сатып алатын ақшасы жоқ екенін жеткізді.
Оның айтуынша әйелі Сапаргүл 6 баласын тастап Алматыға кеткен. Үйдегі 5 баласы жақында мектепке барады. Ал 13 жастағы қызының мүмкіндігі шектеулі. Әлібек мемлекет тарапынан беретін жәрдемақыларды әйелінің жеке басына пайдаланып жүргеніне ренжиді. Өзі жалданып жұмыс істеген. Екеуі 17 жыл отасқан. Ері 45-те, зайыбы 40 жаста.
«Сапаргүл менің әйелім, жүргіш болып кетті. Балалардың ақшасы түсетін карточка өзінде, бермей отыр екі карточканы да. Алты айда бір келеді де, бір күннен кейін кетіп қалады. Қатты стресте жүрмін, балаларға қараймын деп жұмыс істей алмай қалдым, сендерден көмек сұраймын. 17 жыл бір тұрған әйелім бұлай істейді деп ойламадым, сақалым да ағарып кетті», - дейді
Әлібек Тұрсынғалиев.
Видео авторының сөзінше, мүгедек балаға ерекше күтім керек. Мемлекет ата-анаға ерекше баланы баққаны үшін жарымжан перзентінің жәрдемақысының көлеміндей қаржы төлейді. Мемлекеттің қазынасынан бөлінген жәрдемақыны қорғаншысы баланың массаж алуы, қимыл-қозғалысын дамыту секілді шараларға жұмсауы керек. Алайда екі жәрдемақының да ақшасын Сапаргүл алып, оны балаларына бермей қойған.
«Көпбалалы отбасы ретінде де мемлекеттен ақша алып отырған жұбайлар ақшаға таласып жүргенде жәутеңдеген кәмелет жасқа толмағандардың құқығын кім қорғайды?. Балалардың қамын жасау, келешегін, денсаулығына алаңдамай үйден безген аналар неге тайраңдап жүреді? Видеодан қыздарының жабырқаған жүзін көргенде көзіме жас келді. Үсті-басы жұпыны. Көздерінде мұң. Осындай біреуі қаңғып жүрген, екіншісі әйелінің көңілдестерін аңдып отырғанда 6 бала бойына қандай тәлім-тәрбиені сіңіріп жатыр екен?», - деп жазды видео авторы.
Посмотреть эту публикацию в Instagram
Публикация от https://youtu.be/ENrxKMi2p3E (@zhazirabegaly_tv)