2025 жылғы 13 тамыздан бастап Қазақстанда Starlink спутниктік интернеті ресми түрде қолжетімді болды.

Бұл туралы Цифрлық даму, инновациялар және аэроғарыш өнеркәсібі министрлігі хабарлады. Компания Қазақстанды ресми қызмет көрсететін елдердің қатарына қосып, өз картасына енгізді.

SpaceX-тің төмен орбиталы спутниктері арқылы енді еліміздің кез келген өңіріндегі пайдаланушылар, соның ішінде шалғай және инфрақұрылымы әлсіз аймақ тұрғындары, жоғары жылдамдықты әрі тұрақты интернетке қосыла алады. Бұл қадам қазақстандықтарға заманауи цифрлық сервистерді пайдалану мүмкіндігін кеңейтіп, ақпараттық теңсіздікті азайтуға ықпал етпек.