Биыл Ұлытау облысында жұмысшы мамандарды даярлауға ерекше басымдық беріліп отыр. Өңірде құрылысшы, токарь, сантехник, аспаз сияқты кадрлар тапшы. Осы олқылықтың орнын толтыру үшін екі мыңнан астам мемлекеттік грант бөлінген. Қазір техникалық және кәсіптік білім беру мекемелерінде қабылдау комиссиялары жұмыс істеп жатыр. Тегін оқуға ниетті талапкерлер әлі де құжаттарын тапсыра алады. Колледж оқытушыларының айтуынша, оқуын тәмамдаған жастар жұмыс іздеп сабылмайды. Өйткені оқу орындары 150-ден астам кәсіпорынмен меморандумға қол қойған. Студенттер өндірістік тәжірибеден өту кезінде жақсы нәтиже көрсетсе, сол жерге жұмысқа қабылданады. Бұдан бөлек, білім беру базалары заманауи құрал-жабдықтармен жабдықталып, еңбек нарығына лайық мамандар дайындалуда.

Гүлмира Жұматова, облыстық Білім басқармасының бөлім басшысы:

Ұлытау облысы бойынша өңірлік атлас жасалуда. Осы өңірлік алтас бойынша ең басты сала — құрылыс, энергетика, ауыл шаруашылығына мән берілген. Өңірімізге қажетті «дизайнер ісі» мамандығы ашылды. Алдыңғы жылдары бізде ветеринария, экология саласы бойынша, сосын есеп және аудит бойынша жаңа мамандықтар ашылды.

Асылбек Данияр