Әлемдік поп-жұлдыз Дженнифер Лопес Алматының Орталық стадионында жеке концерт берді, деп хабарлайды Skifnews.kz ақпарат порталы.

Музыкалық кешке 20 мыңнан астам адам, оның ішінде қазақстандықтардан бөлек АҚШ, Жапония, БАӘ, Канада, Оңтүстік Корея сынды 35-тен аса елден 8 мың көрермен қатысты. Джей Ло жанкүйерлерінің алдында 2 сағаттан астам уақыт өнер көрсетті. Америкалық жұлдыздың ән шашуы мен жалынды биі жиналған адамдарға жақсы көңіл-күй сыйлады.

Сондай-ақ, әнші ән айтып жатқан сәтте, мойнына шегіртке шығып алды.

Алайда әнші сасқан жоқ, жәндікті қолымен алып тастап, әнін жалғастыра берді. Желі қолданушылары бұл жағдайды қалжыңға айналдырды.

«Шегіртке кештің жұлдызы болды. Дженниферді бәрі ұмытады, бірақ шегірткені есінен шығармайды», «Дженнифер Лопестің мойнында болған шегірткені 1 миллионға сатамын», «Қайта қарақұрт шақпаған екен», — деп жазып жатыр олар.

Концерттегі қызықты сәттердің бірі — Дженнифер Лопес жас ата-аналарға сәбидің жынысын анықтауға көмектесуі болды. Жұлдыз сахна үстінен өтініш білдірген жұпқа қыз дүниеге келетінін хабарлады.

Айта кетейік, Алматыдағы концерт — Джей Лоның «Up All Night» деп аталған турының 19-шы және соңғы концерті болды.

Посмотреть эту публикацию в Instagram

Публикация от Анель Давлетходжаева (@anelya_dav)