Нысандарды биыл пайдалануға беру жоспарланған.

Қызылорда облысында қайтарылған активтер қаражаты есебінен 7 миллиард теңгеге жаңа медициналық мекемелер салынады, деп хабарлады Үкімет.

"Қазақстанда заңсыз шетелге шығарылған активтерді елге қайтару арқылы әлеуметтік нысандар салу жұмыстары жалғасып жатыр, Арнаулы мемлекеттік қордан Қызылорда облысындағы денсаулық сақтау саласындағы бірқатар жобаға шамамен 7 миллиард теңге бөлінді. Бұл қаражат Арал, Қазалы, Шиелі және Жаңақорған аудандарындағы орталық аудандық ауруханалар жанынан жаңа ғимараттар салуға бағытталған", – деп жазылған хабарламада.

Онда инсульт орталықтары, рентгенхирургия бөлімшелері және басқа да бейінді бөлімдер ашылып, заманауи медициналық жабдықтар, яғни магниттік-резонанстық томография, компьютерлік томография және ангиографиялық қондырғылар орнатылады.

Жобалар жүзеге асқан соң, ауылдық жерлердегі 300 мыңнан астам тұрғын мамандандырылған медициналық көмекке қол жеткізеді.

Нысандарды биыл пайдалануға беру жоспарланған.

Оқи отырыңыз: Маңғыстау туризміне жаңа серпін: Үкімет 2025-2029 жылдарға арналған кешенді жоспарды бекітті