4-нен 5 тамызға қараған түні Қазақстан әйелдер теннис құрамасының көшбасшысы Елена Рыбакина Монреальда (Канада) өтіп жатқан WTA 1000 турнирінің ширек финалында ойнайды, деп хабарлайды Zakon.kz.

Бұл кездесуде оның қарсыласы украиналық Марта Костюк болады. Осы матч алдында Елена маусымда 300 эйс жасап, WTA турындағы көшбасшы атанды.

Осы ерекше жетістігі үшін журналистер отандасымызға "Эйс-машина" деген лақап ат берді.

Рыбакина бұл рекордқа WTA 1000 турнирінің 1/8 финалында украиналық Даяна Ястремскаямен өткен матчта қол жеткізді.

Қазақстанның бірінші ракеткасы қарсыласын 5:7, 6:2, 7:5 есебімен жеңіп, ширек финалға жолдама алды. Ол матчта Елена жеті мәрте эйс орындады.