Орал қаласының орталық жылу желілерін жөндеуге Үкімет 2 жарым млрд теңге бөлді .

Мемлекет басшысының тапсырмасын орындау мақсатында қаланың 4 шақырымға жуық магистралды жылу желілері қайта жаңартылмақ. Аталмыш магистраль 1987 жылы пайдалануға берілген. Содан бері тірек темірбетондардың тозығы жеткен. Қазір жөндеу жұмыстары жанданып, облыс әкімдігінің мәліметінше, реконструкциялау 2026 жылы аяқталады. Бұл қаладағы жылу желілерінің тозу деңгейін төмендетіп, шығындарды азайтуға мүмкіндік береді. Жалпы, Орал қаласының жылу магистралды желілерінің ұзындығы 249 шақырымды құрайды.