Биыл бағдарламаға 350-ден астам өтінім қабылданды .

Астанада Халықаралық жасыл технологиялар және инвестициялық жобалар орталығының ұйымдастыруымен таза технологиялар саласындағы стартаптарды қолдауға бағытталған GCIP-Kazakhstan Ұлттық академиясы өз жұмысын бастады.

Бұл – Біріккен Ұлттар Ұйымының Өнеркәсіптік даму жөніндегі агенттігі (UNIDO) мен Жаһандық экологиялық қордың (GEF) қолдауымен жүзеге асырылып жатқан флагмандық акселерациялық бағдарламаның негізгі кезеңі.

"Бүгінде таза технологиялар саласындағы стартаптарды қолдау — бұл инновацияларды ғана қолдау емес, Қазақстанның орнықты болашағына да қатысты іс. Біз Қазақстанды жасыл технологиялар саласында өңірлік және халықаралық көшбасшы ету және мұнда бүкіл Орталық Азия үшін құзыреттілік орталығы ретінде GreenTech Hub құру деген өршіл мақсатты алға қойып отырмыз", – деді ХЖТИЖО басқарма төрағасының міндетін атқарушы Сәкен Қалқаманов.

GCIP-Kazakhstan бағдарламасының үшінші циклі аясындағы Академия 28-31 шілде аралығында өтуде және еліміздің түкпір-түкпірінен іріктелген 51 cleantech стартап-командаға арналған білім беру алаңы болып отыр. Биыл бағдарламаға 350-ден астам өтінім қабылданған.

Академияның басты мақсаты – экологиялық таза технологияларды енгізуге бағытталған стартаптардың бизнес-жоспарлау, нарықтық стратегия құру, инвестициялық тартымдылықты арттыру сынды маңызды дағдыларын дамыту.

Оқыту процесін Network for Global Innovation (NGIN, АҚШ) халықаралық ұйымының танымал сарапшылары жүргізуде.

Оқи отырыңыз:

Эко технологиялар: Астанада GCIP-Kazakhstan Ұлттық академиясы өтеді