Ақтау қаласы әкімінің орынбасары болып Бекзат Жүсіп тағайындалды, деп хабарлайды Ақтау қаласы әкімдігінің Facebook-тегі парақшасына сілтеме жасаған KAZ.NUR.KZ.

Әкімдіктің баспасөз қызметінің мәліметінше, Жүсіп Бекзат Бақбергенұлы 1989 жылы Маңғыстау облысы, Маңғыстау ауданы, Ұштаған ауылында дүниеге келген.

Әл-Фараби атындағы Қазақ ұлттық университетінің журналистика факультетін, Қазақ экономика, қаржы және халықаралық сауда университетін, Ұлыбританиядағы Шығыс Англия университетінің магистратурасын тәмамдаған. "Болашақ" халықаралық бағдарламасының түлегі.

Еңбек жолын 2006 жылы "Қазақстан" РТРК" АҚ Маңғыстау облыстық филиалында редактор қызметінен бастаған.

2009-2013 жылдары республикалық телеарналарда жұмыс істеген.

2013-2016 жылдары – Қызылорда облысы әкімінің баспасөз хатшысы – бас инспектор.

2019-2021 жылдары – "Қазақстан" РТРК" АҚ Маңғыстау облыстық филиалының директоры.

2021-2022 жылдары – Қазақстан Мемлекеттік хатшысының Хатшылығы меңгерушісінің орынбасары.

2022-2023 жылдары – Премьер-министр кеңсесі басшысының орынбасары.

2023-2024 жылдары – Qazcontent АҚ басқарма төрағасы болған.

Мәтіннен қате тапсаңыз, бізге жазыңыз