Израиль билігі Иранның ядролық бағдарламасын қолға алады деп қауіптеніп, әскери қақтығыстың қайта басталуына белсенді дайындалып жатыр.

Бұл туралы Axios басылымы келіссөздерге жақын екі дереккөзге сілтеме жасап мәлімдеді.

Ақ үйдегі кездесу: ядролық мәселе басты тақырып

Израиль премьер-министрі Биньямин Нетаньяху мен АҚШ президенті Дональд Трамп жақын күндері Ақ үйде кездесіп, Иран мәселесін талқыламақ. Кездесу барысында екіжақты ұстанымдар айтылып, ядролық бағдарламаға қатысты әрекет ету стратегиясы айқындалуы мүмкін.

Қай жағдайда Израиль әскери соққы жасауы мүмкін?

Израиль тарапы Иранның белгілі бір әрекеттері әскери жауап үшін негіз бола алатынын алға тартуда. Атап айтқанда:

• Жоғары байытылған уранды зақымдалған ядролық объектілерден қауіпсіз орынға көшіру әрекеті;
• Обогаттау қондырғыларын қайта іске қосу және ядролық бағдарламаны толық қалпына келтіру;

Израильдің басты кеңесшісі Рон Дермердің мәлімдеуінше, Трамп әкімшілігі мұндай жағдайда Тель-Авивтің әскери қадамын қолдауға дайын.

Ядролық материал қайда?

АҚШ пен Израильдің барлау қызметтері Ирандағы ядролық нысандардың едәуір зақымданғанын растайды. Алайда барлық инфрақұрылым мен материалдардың толық жойылмағаны және бір бөлігі қауіпсіз «изоляцияда» сақталғаны айтылады.