3 тұрғыны бар мемлекет
02.07.2025
Ұлыбритания жағалауынан 12 шақырым жердегі ескі әскери платформада орналасқан Силенд – өзін тәуелсіз мемлекет деп жариялаған ерекше құрылым.
Аумағы небәрі 550 шаршы метр. Елде үш-ақ адам тұрады. Бірақ соған қарамастан, Силендтің өз туы, елтаңбасы, паспорты, визасы мен тіпті ақшасы бар. 1967 жылы Пэдди Рой Бэйтс платформаны иемденіп, өзін «князь» деп жариялаған. Содан бері Силенд «мемлекет» ретінде өмір сүріп келеді. Ресми мойындалмаса да, әлемнің түкпір-түкпірінен адамдар Силендтен «азаматтық» немесе «дворяндық» атақ сатып алады.
