Қазақстанның басым бөлігінде найзағай мен бұршақ күтіледі.

"Қазгидромет" РМК синоптиктері 28 мамырға арналған ауа райы болжамын жариялады.

Синоптиктердің мәліметінше, елдің солтүстігінде, орталығында, шығысында, батысында және оңтүстігінде жаңбыр жауып, найзағай ойнайды. Кей жерлерде бұршақ түсіп, дауылды жел соғуы мүмкін.

Мамандардың айтуынша, ең салқын ауа райы батыс пен солтүстік өңірлерде күтіледі. Кей аймақтарда күндіз ауа температурасы +17…+21 градусқа дейін төмендейді.

Астана қаласында жаңбыр жауып, найзағай ойнайды. Күндіз бұршақ түсуі мүмкін. Ауа температурасы күндіз +19…+21°C шамасында болады.

Алматы мен Шымкент қалаларында да құбылмалы ауа райы сақталады. Кей уақытта жел күшейіп, жаңбыр жауады.

Ақтөбе, Қарағанды, Қостанай, Орал және Көкшетау қалаларында бұршақ пен екпінді жел күтіледі.

Ал Семей, Өскемен және Павлодар қалаларында найзағаймен қатар жел күшейеді.

Қазгидромет тұрғындарға ауа райының қолайсыздығына байланысты қауіпсіздік шараларын сақтауға кеңес берді.

Оқи отырыңыз: Білімді бағалаудың жаңа форматы: Қазақстанда ҰБТ-ға балама тест әзірленіп жатыр