89 жастағы кейуана араға ұзақ жылдар салып, туған бауырларымен қауышу үшін Қытайға жол тартты. Бұл әсерлі сәт туралы қарияның немересі әлеуметтік желідегі парақшасында бөлісті. Оның айтуынша, әжесі туған жеріне аяқ басар сәтте ерекше толқынысқа берілген, деп хабарлайды Sn.kz ақпарат порталы.

Бейнежазбада немересі әжесіне:
— «Апа, Қытайдың жеріндесіз. Туған жеріңізге келдіңіз», — деп тіл қатады.

Осы сәтте үнсіз отырған әженің жан дүниесіндегі толқынысты жақындары анық сезінген. Немересінің сөзінше, әжесі сырттай сабыр сақтағанымен, іштей ерекше күй кешіп отырған.

— «Әжемнің үлкен арманы орындалуға бірнеше сәт қалды. Толқып отыр. Эмоциясын сыртқа шығармай отырғанымен, іші алай-дүлей болып жатыр», — деп жазды немересі.

Белгілі болғандай, кейуана туған бауырларын шамамен 20 жылдан бері көрмеген. Жылдар бойы жүрегінде сақтаған сағынышы мен қауышуға деген үміті енді орындалғалы тұр. Желі қолданушылары бұл оқиғаға бейжай қарамай, қарияға ақ тілектерін жаудырып, туғандарымен аман-есен қауышуын тілеуде.

Посмотреть эту публикацию в Instagram

Публикация от Maral Zh | UGC creator | Travel | Авторские туры