Әнші Мөлдір Әуелбекова "МузАрт" тобы мен Мейрамбек Беспаев туралы жазба жариялады, деп хабарлайды Sn.kz ақпарат порталы.

Бұл туралы ол желідегі парақшасында қозғады.

"MUZART Fest сондай ерекше атмосферада өткені бәріне мәлім ғой. Өнердегі ағалық қарым-қатынас, алдыңғы буынның кейінгі толқынға көрсеткен жолы мен батасы қазақ мәдениетінің ең асыл құндылықтарының бірі. Сахнадағы үлкен мектеп, шынайы жанашырлық пен рухани сабақтастық бар жерде ғана нағыз өнер өмір сүрмек.

Осы орайда, қазақ өнерінің заңғар тұлғасы өзімнің жан ағам, ән ағам Мейрамбек ағамның @m_besbaev орны бөлек, әрі биік. Ал «МҰЗАРТ» тобы бұл біздің заманауи өнеріміздің тұтас бір дастаны, үлкен тарихы. Ширек ғасыр бойы халықтың мұңы мен қуанышын, махаббаты мен сағынышын әнмен өрген бұл ұжым қазақ эстрадасының алтын стандартына айналды", — деді ол.

Айта кетейік, Баян Мақсатқызы өзіне Мейрамбек Беспаев хабарласып, Мөлдірге тиіспеуін сұрағанын мәлімдеген еді.