Белгілі блогерлер, еолі-зайыпты Ерболат пен Элмира Жанабіловтер ұзаққа созылған сот процесінен соң алғаш рет әлеуметтік желіден бой көрсетті. Олар отбасылық видео жариялап, оқырмандарына сәлем жолдады, деп хабарлайды KAZ.NUR.KZ.

"9 ай үнсіз болдық. 4 ай әлеуметтік желіде болмадық. Осы уақыт ішінде көп нәрсе өтті: соттар, уайым, отбасымызбен бірге қиын кезеңнен өттік. Бірақ бүгін қайта оралып отырмыз. Жаңа күшпен, жаңа оймен.

Осы уақыт бойы бізге жазған, күткен, қолдау көрсеткен жандардың бәріне үлкен рахмет. Сіздердің қолдауларыңыз бізге күш берді.

Бізбен бірге болғандарыңызға рахмет", — деп жазды олар.

Олар, сондай-ақ отбасындағы қуаныш пен шаттықты көрсету үшін арнайы видео жариялады. Онда блогерлер жақындарының арасында дастархан жасап, туғандарымен уақыт өткізіп жатқан сәттер бейнеленген. Ал видеоны көрген оқырмандар болса, ерлі-зайыпты мен оның отбасына ерекше қарсы алды.

"Оралуларыңмен!", "Сол аралықта жақын адамдай болып кеттіңдер", "Барлық ауыртпалық сонымен кетсін енді", "Алла жар болсын! Бала-шағаның несібесі", "Бастысы адам өлтірмеді, зорламады! Сынақты көтере алатын құлына ғана береді Аллам. Біз сүрінуге де хақымыз бар, себебі сүрінбейтін мықтылардың мықтысы тек Алла ғой. Құдай қаласа бәрі өтеді де кетеді. Ешкімнің алдына ешкім түсіп көрмеді, талқылаудан аулақ болған дұрыс, басқа жолмен сіздің басыңызға түспеске кім кепіл?!", — деп жазды олар.

Мәтіннен қате тапсаңыз, бізге жазыңыз