1 сәуірден бастап елорда аумағында ауыр жүк тасымалдайтын самосвалдардың қозғалысы жіті тексеріліп жатыр .

Өте ауыр материалдарды тасымалдайтын автокөлік құралдарының рұқсат етілген салмақтық және габариттік параметрлерлерінің сақталуы жаппай тексеріледі, деп жазады inbusiness.kz сайты.

Күшейту шаралары аясында көліктік бақылаудың 6 жылжымалы бекеті жұмылдырылды. Сонымен қатар, еліміздің 17 өңірінен көліктік бақылау инспекцияларының қызметкерлері тартылды.

Рейдтік іс-шаралар басталғалы бері 622-ге жуық автокөлік құралы тексеріліп, көлік заңнамасының талаптарын бұзуған 347 факті анықталды. Анықталған құқық бұзушылықтар бойынша 92 миллион теңгеден астам сомаға айыппұл салынды.

Көлік министрлігі жүргізушілер мен тасымалдаушыларды Қазақстан Республикасының қолданыстағы заңнамасының талаптарын қатаң сақтауға, көлік құралдарына артық жүк артпауға және жол желісін пайдалануға жауапкершілікпен қарауға шақырады.