Қызылордада дзюдодан жеткіншектер арасында халықаралық турнир бастады. Татами бәсекесіне елдің барлық аймағынан және Қырғызстаннан жалпы саны 400-ден аса балуан жиналды.

Жарыстың ашылу салтанатында Қызылорда облыстық дзюдо федерациясының президенті Садық Мұстафаев бұл жарыстың талай жасқа үлкен аренаға жол ашқанын атап өтті. «Бүгінгі таңда сыр елінде дзюдо алдыңғы қатардағы спортқа айналды. Қазір ұлттық құрама сапында сыр елінің спортшылары ел намысын абыроймен қорғап жүр», — деді ол. Ілияс Қабыловты еске түсіруге арналған дәстүрлі халықаралық турнир апта соңында аяқталады.

Садық Мұстафаев, Қызылорда облыстық дзюдо федерациясының президенті:
- Ең бастысы, осындай жарыстардың арқасында осы спортқа баулып, дзюдо күресіне тартып, Қызылорданың татамиынан олимп шыңына жетіп, қазақтың көк байрағын желбіретуге, сол бағытта тәрбиелеп, соның айғағында осындай жұмыстар атқарылып жатыр.