Energy Monitor арнасының жазуынша, үш жыл бұрын Президенттің Атырауға сапары кезінде бұл жоба қаралған, бірақ кейінгі сараптамалар оның тиімсіз екенін көрсеткен.

Қазіргі уақытта Каспий құбыр консорциумы (КТК) бойындағы резервуарлық парктер Қазақстанның мұнай өндірісінің үш күндік көлемін (шамамен 750 мың тонна) қабылдай алады. 10 резервуардан тұратын бұл инфрақұрылымның құны шамамен 800 миллион долларды құрайды. Алайда егер айлық мұнай өндірісін сақтау қажет болса, онда 100-ден астам резервуар қажет, бұл кемінде 8 миллиард долларды құрайды. Оған қосымша, резервуарларды үнемі күтіп ұстау, құбыр желілерін салу және техникалық мұнаймен толтыру қажет.

Сарапшылар атап өткендей, резервуарларды әрқашан 10-15% көлемінде техникалық мұнаймен толтырып отыру керек. Бұл да қосымша шығындарды талап етеді.

Осы ретте мұның қаржысын кім көтереді деген сауал туады. Инвесторларға (ТШО, КПО, NCOC) мұндай жобаның пайдасы аз, өйткені КТК-ның 10-12 күндік мұнай сақтау мүмкіндігі бар. Яғни экспорт толық тоқтаса да, төтенше жағдайды еңсеруге жеткілікті.

Energy Monitor жазуынша, Қазақстан бюджет есебінен резервуарлар салуға және мұнай сатып алуға міндетті болса, бұл тиімсіз жоба болмақ. Мұндай жағдайда Бакуға жаңа құбыр салу әлдеқайда арзан және тиімді шешім болуы мүмкін.