Шерзат ісіне байланысты өтіп жатқан сот отырысында жәбірленуші тараптың адвокаты қосымша куәгерлерді қайта шақыруды сұрады, деп хабарлайды Skifnews.kz ақпараттық порталы.

Адвокат Мейірман Шекеевтің айтуынша, Эльмира Нұрбекова мен Дана Жақсыгелдінің оқиға кезіндегі әрекеттері күмән туғызған. Оның сөзіне қарағанда, сотқа ұсынылған бейнематериалда бұл куәгерлердің қандай да бір күйзеліс немесе шок жағдайында болмағаны байқалған.

«Олар болған оқиға туралы жақсы хабардар болып, тіпті оған қатысы болуы да мүмкін деген ой қалыптасты», – деп мәлімдеді Шекеев сот залында.

Дегенмен, бұл өтінішке судья Ержан Жанұзақов теріс шешім шығарып, қосымша куәгерлерді қайта шақыруға негіз жоқ екенін айтты.