Израиль ХАМАС басшысының көзін жойды
29.05.2025
ХАМАС басшысы Мохаммед Синвардың көзі жойылды.
Бұл туралы Израиль премьер-министрі Биньямин Нетаньяху енді ғана мәлімдеген. Негізі ұрыс қимылдары Газа секторының оңтүстігінде 13 мамырда болған. Израиль әскері Синвар жасырынған аурухананы бомбалапты. Ол қаңтарда ХАМАС басшылығына бекіген болатын. Оның алдындағы басшы, туған ағасы Яхья Синвар былтыр қазанда қаза тапқан еді. Ал 49 жастағы Мохаммед Синвар Хамасқа дейін Әл-Қассам бригадасының арнаулы жасағын басқарған.
