Жасанды интеллектіні тиімді пайдалану, оның журналистикадағы орны және ол технология тудыратын тәуекелдер. Пленарлық сессия осы тақырып аясында пікірталас алаңына айналды. Мәдениет және ақпарат вице-министрі Қанат Ысқақов цифрлық технология дамуына қатысты медиа индустрияның бинез процесстерін қайта қарау керек деп есепатейді. Оны айтуынша, контентті қазір жаңа аудиторияға бейімдеу керек. Осы тұста ақпарат дайындауға кететін уақыт пен деректердің шынайылығына ден қою маңызды.

Қанат Ысқақов, Қазақстан Республикасы Мәдениет және ақпарат вице-министрі:

- Өзіңіз де байқаған шығарсыз. Әсіресе мәтіндер жазған кезде, я болмаса редакторлық жұмыс жасаған кезде GPT чатын қолданады. Біздің тележурналистикада жасанды интеллект студиялары енгізіліп жатыр. Яғни жасанды интеллект, цифравизация заманында өмір сүріп жатырмыз. Яғни ол ертеңгі емес, бүгінгі күн. Сондықтан осыған бейімделіп, тиісті шаралар қабылдап дәйектілік, мазмұндық, шынайы ақпарат тарату қажет.

Жасанды интеллект біраз мамандықтың жойылуына әкеледі деп жиі айтылады. Алайда нақты медиа саласына келсек, БҰҰ өкілі жасанды интеллектінің жаппай қолданысқа енуі журналистерге қауіп төндірмейді деп сендірді. Ол тың техноллогияның қолданыс аясын ортақ талаптармен реттеу керек деген пікір білдірді.

Властимил Самек, БҰҰ Жаһандық коммуникациялар департаментінің Қазақстандағы өкілі:

- Жаңа технологиялар шыққанда, журналистерді алмастырады ма деген сұраққа жауап берсек, логикалық тұрғыдан жасанды интеллект ақпаратсыз жұмыс істей алмайды деуге болады. Ал ақпаратты жазатын — адамдар, БАҚ өкілдері. Демек жасанды интеллект журналист жазған мәтінді өңдейді. Сондықтан бұл екі жақ бір бірімен тығыз байланысты.

«Медиа бұл уақыттың айнасы ғана емес, бұл — оның қозғаушы күші». Өзбекстанның медиа қауымдастығының өкілі Санжар Устабобоев өз сөзін осылай бастады. Бүгінде Өзбекстанның телеканалдары цифрлық платформаларда қолжетімді. Олар жастармен белсенді жұмыс істеп, цифрлық дағдыларға үйретеді. Қауымдастық өкілінің айтуынша, жаңа технологиялар қолдануда қауіпсіздік, әдеп, мәселелері, оқытылады.

Санжар Устабобоев, Өзбекстан Ұлттық медиа қауымдастығының бас директорының орынбасары:

- Медиа саласын өзгертетін үш нәрсе — ол ынтымақтастық экожүйесін құру. Ол университеттер, мидиатехнологиялық компаниялар мен мемелкет арасында құрылуға тиіс. Екіншіден, білім беруге инвестиция жасау, журналистерді дайындау. Технолгия тілін меңгеріп қана қоймай, құндылықтарды да білу керек. Үшінші, Орталық Азияны біртұтас медиа кеңістік ретінде ілгерілету.

Жалпы Astana Media Week бұқаралық ақпарат құралдары өкілдері үшін тәжірибе алмасуға үлкен мүмкіндік береді. Қатысушылар ақпараттық талдау, тың технологиялар, деректерді өңдеу төңірегінде пікір алмасады. Форум аясында деректі фильмдерді түсіру бойынша режиссёрлерге, операторлар, жарық қоюшыларға арналған шеберлік сағаттары өтеді. Кризис коммуникация бойынша мастер-класстар өтеді. Басты миссия — медиадағы жасанды интеллектінің жұмысын реттеу.

Авторлары: Ғазиза Мұхамеджанова, Өрден Жарқын