Елде құс жұмыртқасын әкелуге қойылған тыйым ұзартылуы мүмкін.

Ауыл шаруашылығы министрлігі осы бағытта жаңа бұйрық жобасын дайындап жатыр. Ведомство бұл шара отандық құс фабрикаларын қолдауға бағытталғанын айтады. Жобаға сәйкес, елге үшінші мемлекеттерден және Еуразиялық экономикалық одақ елдерінен жаңа піскен тауық жұмыртқасын бір ай мерзімге әкелуге уақытша тыйым салу қарастырылған.

Қайрат Маишев, Құс өсірушілер одағының төрағасы:

- Арзан әрі сапасыз импорттық өнімдердің көбеюіне байланысты бағаны тұрақтандыру шаралары қолға алынды. Жазда баға арзанырақ. Ал қыс пен күзде қымбаттайды. Сол себепті халыққа қолайлы, жыл бойы өзгермейтін бір деңгейдегі бағаны ұсынып,отандық фабрикаларды қолдау көзделіп отыр. Бұл шаралар сапасыз «сұр» импортты шектеуге және адал бәсекені қамтамасыз етуге бағытталған.