Қазгидромет 1, 2, 3, 4 қарашаға арналған ауа райы болжамын жариялады, — деп хабарлайды Massaget.kz тілшісі .

Қар, боран

Ел аумағына солтүстік циклон ықпал етеді. Сондықтан жаңбыр жауып, кейін ол қарға ұласады.

4 қарашадан бастап еліміздің солтүстік және шығыс өңірлерінде қар, кей жерлерде қатты қар жауады. Сондай-ақ, жел тұрып, боран соғып, көктайғақ болады.

Ауа температурасы

Ауа температурасы да біртіндеп төмендейді. Әсіресе, солтүстік және шығыс өңірлердің тұрғындарына сезіледі: 4 қарашада түнде 5-13 градус аяз, күндіз 3-11 градус аяз болады.

Суық ауа райы Қазақстанның оңтүстігін де айналып өтпейді. 4 қарашада жаңбыр мен қар жауып, түнде ауа температурасы 0-13 градус аязға дейін төмендеп, күндіз 0-5 градус шамасында болады.

Қызықты жаңалықтар мен видеоларды көру үшін TikTok арнамызға жазылыңыз!