Түркістан облысының Сайрам ауданында орналасқан Теспа ауылындағы «Нарымбет ата» атты мектепке дейінгі білім беру мекемесіне тиесілі балабақшада балалар тамақтан уланды, деп хабарлайды Skifnews.kz ақпарат порталы.

Жоспардан тыс жүргізілген тексеріс барысында санитарлық нормалардың өрескел бұзылғаны анықталды. Тағам өнімдерінен және қызметкерлердің қолдарынан алынған жұғындылардан патогенді микрофлора табылды.

— Барлық зардап шеккендерге алғашқы медициналық көмек көрсетіліп, кейін үйлеріне жіберілді. Тамақтан уланудың себебі — тағам дайындау технологиясының бұзылуы, өнімдердің дұрыс сақталмауы және қызметкерлердің жеке гигиенаны сақтамауы, — деп хабарлады санитариялық-эпидемиологиялық бақылау департаменті.

Аталған дерек бойынша құқық қорғау органдары қылмыстық іс қозғап, тергеу жүргізіп жатыр.