Білім күні қарсаңында еліміз бойынша 83 мектеп ашылады. Үкімет басшысының орынбасары Ермек Көшербаевтың төрағалығымен Қызылордада республикалық семинар-кеңес өтіп, аймақтардың жаңа оқу маусымына дайындық барысы пысықталды.

Биыл жұмысшы мамандықтар жылына орай оқу ағарту минисрлігі елдегі колледждерге 150 мың грант бөлді. Сондай-ақ кеңесте мектептер мен колледждердің оқу бағдарламасына енгізілетін жаңашылдықтар талқыланды. Соның бірі, жасанды интеллект сабағы. Ол үшін педагогтар арнайы даярлау курсынан өтетін болады.

Еділ Оспан, ҚР Оқу-ағарту вице-министрі:

Мектептер мен колледждерге ЖИ оқу процесіне енгізіледі. Бұл үшін біз барлық педагогтарды үш деңгейлі оқу курсынан өткіземіз. Және 1-11 сынып аралығында арнайы курстар дайындалды. Сол курстар оқытыла бастайды.

Әділбек Серікұлы