
Солтүстікте әкімдіктің бұрынғы қызметкерлері бюджеттен 46 млн теңге ұрлаған
21.08.2025
Солтүстік Қазақстан облысында әкімдіктің бұрынғы қызметкерлері мемлекет бюджетінен 46 млн теңгеден аса қаражат ұрлаған , — деп хабарлайды Massaget .kz тілшісі.
Істі Солтүстік Қазақстан облысының прокуратурасы тексерген. Бұлтартпас айғақтар барына қарамастан, сотта үш айыпталушы жасаған қылмыстарын мойындамаған.
Мемлекеттік айыптаушылар K., T., Д. алдау және сенімге қиянат келтіру арқылы мемлекетке 46 млн теңгеден аса шығын келтіріп, мүлікті ұрлағанын дәлелдеген.
Петропавл қалалық соты оларды 6,6 жылдан 6,8 жылға дейінгі мерзімге бас бостандығынан айырды. Келтірілген материалдық шығын өндірілді.
Үкім заңды күшіне енді.
Өзекті жаңалықтарды өз уақытында оқу үшін Facebook парақшамызға жазылыңыз!